Les Serments de Strasbourg
La tradition des historiens et des philologues a fixé conventionnellement à l'année 842 la date de naissance de la langue française, l'associant à un texte en « romana lingua », le serment d'assistance mutuelle qu'auraient prononcé deux des petits-fils de Charlemagne (Louis et Charles) à l'encontre d'un troisième (Lothaire).
Pro Deo amur et pro christian poblo et nostro commun salvament, d'ist di en avant, in quant Deus savir et podir me dunat, si salvarai eo cist meon fradre Karlo et in aiudha et in cadhuna cosa, si cum om per dreit son fradra salvar dift, in o quid il mi altresi fazet, et ab Ludher nul plaid nunquam prindrai, qui meon vol cist meon fradre Karle in damno sit.
Si Lodhuvigs sagrament, que son fradre Karlo iurat, conservat, et Karlus meos sendra de suo part non lostanit, si io returnar non l'int pois : ne io ne neuls, cui eo returnar int pois, in nulla aiudha contra Lodhuvig nun li iv er.
La Séquence de sainte Eulalie
Le premier témoin littéraire de la langue française est un court poème daté de 881 et consacré à sainte Eulalie.
Buona pulcella fut Eulalia :
Bel auret corps, bellezour anima.
Uoldrent la ueintre li Deo inimi,
Uoldrent la faire diaule servir.
Elle no’nt eskoltet les mals conselliers
Qu’elle Deo raneiet chi maent sus en ciel,
Ne por or ned argent ne paramenz,
Por manatce, regiel, ne preiement ;
Niule cose non la pouret omque pleier
La polle sempre non amast lo Deo menestier.
Et por o fut presentede Maximiien,
Chi rex eret a cels dis soure pagiens.
El li enortet – dont lei nonque chielt –
Qued elle fuiet lo nom christiien.
Ell’ ent aduret lo suon element :
Melz sostiendreiet les empedementz
Qu’elle perdesse sa virginitet.
Por o∙s furet morte a grand honestet.
Enz enl fou la getterent, com arde tost :
Elle colpes non auret, por o no∙s coist.
A czo no∙s uoldret concreidre li rex pagiens ;
Ad une spede li roueret tolir lo chief.
La domnizelle celle kose non contredist :
Uolt lo seule lazsier, si ruouet Krist.
In figure de colomb uolat a ciel.
Tuit oram que por nos degnet preier,
Qued auuiset de nos Christus mercit
Post la mort et a lui nos laist uenir
Par souue clementia.
« La séquence de Sainte Eulalie », éditée par A. Henry
 |
Cette page a été rédigée pour ROMA·NET par Annick Englebert. |
